🏆 ЗАВРШНА МИСИЈА

 

Стани „Дигитален Супер-Агент!“ 🕵️‍♂️💻

Успешно ја поминавме темата „Онлајн живеење“. Денес нема да учиме нови работи, туку вие ќе ми покажете што сте научиле. Вашата задача за овој час е да го добиете статусот „Дигитален Супер-Агент“.

За да го освоите овој статус, треба да завршите 3 мисии на вашиот компјутер во следните 40 минути и вашиот извештај да го запишете во вашата тетратка. Подготвени? Времето започнува сега! ⏱️

🔎 Мисија 1: Интернет Истражувач 

Отворете го вашиот веб-прелистувач (Chrome, Edge, Firefox) и во веб-пребарувачот (Google) истражете за следнава тема: Балкански рис (нашето загрозено животно).

Што треба да направите?

1. Смислете 3 добри клучни зборови за да најдете каде живее Балканскиот рис во Македонија и колку единки останале.

2. Отворете една веб-страница што ќе ви се понуди (внимавајте да биде безбедна, на пр. .org, .mk, .edu).

3. Во тетратката, запишете го следново:

   • Кои клучни зборови ги искористивте?

   • Која е точната адреса (URL) на страницата каде што ја најдовте информацијата?

   • Каква наставка има таа страница (.com, .org, .mk) и што значи таа наставка?

🎨 Мисија 2: Креатор за Безбедност 

Сега кога сте добри истражувачи, треба да покажете дека знаете и како да се заштитите и комуницирате!
Отворете ја програмата MS Paint.

Што треба да нацртате?

1. Нацртајте еден голем „ШТИТ НА БЕЗБЕДНОСТА“ 🛡️.

2. Внатре во штитот или до штитот (со алатката за текст A), напишете ДВЕ златни правила за безбедност на Интернет кои ги научивме (на пр. нешто поврзано со лозинки или правилно изразување).

3. До штитот, нацртајте еден хардверски уред (на пр. микрофон или камера) кој ни треба за комуникација и напишете го неговото име.

4. Зачувајте ја сликата во вашиот фолдер со име: Agent_ImePrezime.

🚀 Мисија 3: Поднесување на извештајот на Блогот 

Вистинските агенти знаат како културно да комуницираат на Интернет. Одете најдолу на овој блог пост, во делот за Коментари.

Што треба да објавите?

1. Во полето за коментар (текст), напишете го вашиот извештај од Мисија 1 (клучните зборови, URL адресата и наставката).

2. ВНИМАНИЕ: Коментарот мора да биде напишан според правилата! Започнете со поздрав, не користете само ГОЛЕМИ БУКВИ, пишувајте јасно.

Што ќе се оценува/вреднува со оваа вежба?

• Пребарувач наспроти прелистувач: Пребарување со клучни зборови и препознавање домен (.mk, .org).

• Практична примена на софтвер: Користење прелистувач, Paint и платформата за Блог.

• Безбедност и хардвер: Уреди за комуникација и правила за безбедност (вметнати во цртежот).

• Онлајн комуникација: Начинот на форматирање и пишвање коментар на блогот или во тетратка.