Интернет и Сервиси на Интернет

Интернет адреса на секој компјутер на Интернет

• Секој компјутер за да биде поврзан на Интернет мора да има своја адреса, Интернет адреса (IP).
• Со оваа адреса компјутерот може да биде пронајден и да ги добива потребните податоци од Интернет, а во исто време и да испраќа свои кон други компјутери на Интернет.
• Секој фајл поставен за разгледување на некој компјутер на Интернет (текст, слика, видео клип, музика и сл.) мора да има своја адреса која се вика веб адреса или URL (Uniform Resource Locator).

Начини на поврзување на Интернет

Фирмите кои го овозможуваат поврзувањето на Интернет се викаат Интернет Сервис Провајдери (ISP).

Поврзувањето може да се направи на неколку различни начини:

• Преку фиксна телефонска линија
• Преку телевизија:
• кабловска
• сателитска
• Безжично (WIFI, WADSL, WiMAX)
• Преку мобилна телефонија (GPRS, EDGE, 3G-HSDPA, 4G-LTE)

Секој од овие начини на поврзување користи различни уреди (телефонски линии, модеми, сателити, кабли, безжични адаптери итн.) од кои зависи брзината на пренос на податоците, цената, можностите итн. Секој корисник може да го избере оној начин на поврзување кој најмногу му одговара.

Сервиси на Интернет

Сите можности кои ги нуди Интернет за разговори, размена на пораки, информации, купување, симнување слики, музика, видео клипови и сл. се викаат Интернет сервиси.

Сервисите работат преку компјутери поврзани на Интернет кои се викаат сервери.

Компјутерите поврзани на Интернет кои ги користат можностите на Интернет се викаат клиенти.

Слично на трговски центар во кој еден дел од луѓето нудат услуги а поголемиот дел ги користат, на пример паркинг, продавници за различни производи, ресторани, пошти, банки, фризерници, киносали итн.

Некои од сервисите на Интернет се:

WWW (World Wide Web) . Сервис за поставување на свои и разгледување на други веб сајтови.

Search Engines (машини за пребарување). Сервис за пронаоѓање потребни информации на Интернет.

E-mail. Сервис за примање и испраќање на електронска пошта.

Интерактивно комуницирање. Сервис за текстуално, звучно или видео комуницирање меѓу луѓето кои се во исто време на Интернет. Комуникацијата се остварува преку различни програми како Viber, Messenger, Skype и др.

E-commerce.Сервис за онлајн купување и продавање различни производи и вршење на различни он услуги

Eлектронско банкарство.Сервис за проверка на банкарска сметка, плаќање на сметки и слично.

Download. Различни сервиси за симнување на податоци од мрежата (слики, музика, видео клипови, филмови и сл) и др.

Upload. Различни сервиси за испраќање податоци кон мрежата.

Одговори на прашањата од квизот со клик на линкот:

Квиз - Интернет и Сервиси на Интернет

Компјутерска мрежа. Интернет.

Што е компјутерска мрежа?

•        Компјутерска мрежа е група од два или повеќе меѓусебно поврзани компјутери.

      

Мрежно поврзаните компјутери може да се наоѓаат на помало или поголемо меѓусебно растојание и да бидат поврзани со различни уреди – жични или безжични.

Видови компјутерски мрежи

Oсновни видови компјутерски мрежи според меѓусебната оддалеченост на поврзаните компјутери се :

  • Локална компјутерска мрежа (LAN – Local Area Network).

  • Широко распространета компјутерска мрежа   (WAN – Wide Area Network).

Локална компјутерска мрежа - LAN

LAN мрежата поврзува компјутери кои се наоѓаат на мало меѓусебно растојание. 

Пример за локална компјутерска мрежа се меѓусебно поврзаните компјутери во една училница, канцеларија, куќа, зграда и слично.

Можности на локалната компјутерска мрежа:

Поврзаните компјутери може меѓусебно да делат заеднички хардверски уреди, како печатар, скенер и др., може да си разменуваат програми и фајлови.

Податоците и програмите може да се пренесуваат од еден на друг компјутер без користење на CD-а или USB меморија.

Корисникот може да определува кои од уредите или фолдерите од неговиот компјутер ќе бидат достапни за разгледување или користење од другите компјутери во мрежата.

Корисникот може и да не дозволи ништо од содржината на неговиот компјутер да биде видлива или користена од останатите компјутери во мрежата.

Корисникот може еден фолдер на својот компјутер да направи да биде видлив (делив) за останатите компјутери во мрежата или да разменува програми и фајлови со другите компјутери во мрежата.

Уреди за поврзување на компјутерите во LAN 

За поврзување во локална мрежа секој од компјутерите поврзан во мрежата треба да има своја мрежна картица.

Уредот кој го овозможува и организира преносот на податоците меѓу компјутерите во локалната мрежа се вика свич (switch). Кај помалите локални мрежи свичот може да биде дел од уредот рутер (router).

Рутерот е уред кој овозможува една локална мрежа да се поврзе со други мрежи (на пример, други локални мрежи или Интернет).

Широко распространета компјутерска мрежа - WAN

WAN мрежата поврзува компјутери на меѓусебно големо географско растојание.

На пример, во една држава, во различни држави или континенти.

WAN мрежата може да се замисли како мрежа од LAN и WAN мрежи на големо географско растојание.

Уреди за поврзување во WAN мрежа се: трансокеанските кабли, сателитите, телефонски линии и слично.

Најголемата WAN мрежа во светот се вика Интернет. Можеме да ја замислиме како мрежа од компјутерските мрежи низ целиот свет.

Кликни на линкот и одговори на прашањата поставени во квизот:

Квиз - Компјутерски мрежи

или скенирај го кодот: