Креирање и активирање презентација. Манипулација со слајдови. Уредување на слајд.

Работа со слајдови

Кога ќе внесете нов слајд, обично ќе има резервирани места односно Placeholders. Placeholder-ите  можат да содржат различни видови содржина, вклучувајќи текст и слики. Некои имаат текстуален дел, кој можете да го замените со свој текст. Други имаат икони за слики кои ви дозволуваат да вметнувате слики, графикони и видеа.

Layout на слајд

Слајдовите имаат различни распореди за местата, во зависност од видот на информациите што сакате да ги вклучите. Секогаш кога ќе креирате нов слајд, ќе треба да изберете распоред на слајд кој одговара на вашата содржина (насловен слајд, слајд со слики, слајд со набројување, слајд со две колони, празен слајд...итн).

Додавање на нов слајд

  

Од јазичето Home, кликнуваме на командата New Slide.

Го избераме саканиот изглед на слајдот од менито што се појавува.

Секогаш кога ќе започнете нова презентација, ќе содржи еден слајд со изгледот на насловната страница. Можете да внесете многу слајдови со различни распореди.

Организација на слајдови

PowerPoint презентациите можат да содржат што повеќе слајдови колку што ви требаат. Панелот за навигација на слајд го олеснува организирањето на слајдовите. Од таму, можете да ги копирате, преуредувате и бришете слајдовите во вашата презентација.

Активности со слајдови

Дупликати слајдови: Ако сакате брзо да копирате и залепите слајд, можете да го дуплирате. За дуплирање слајдови, одберете го слајдот што сакате да го копирате, кликнете со десното копче на глувчето и изберете Duplicate Slide од менито што се појавува. Можете исто така да дуплирате повеќе слајдови одеднаш со прво избирање.

Преместување на слајдовите: Кликнуваме, задржуваме и го повлекуваме посакуваниот слајд во прозорецот за навигација на слајд до саканата позиција.

Бришење слајдови: Ако сакате да отстраните слајд од вашата презентација, можете да го избришете. Едноставно одберете го слајдот што сакате да го избришете, потоа притиснете го копчето Delete или Backspace на вашата тастатура.

Форматирање на позадината на слајдовите

Кликуваме на менито Design  и потоа на опцијата Format Background

Прозорецот за облик на форматот ќе се појави десно. Изберете ги саканите опции за пополнување. 

Стандардно, сите слајдови во вашата презентација користат бела позадина. Лесно е да го промените стилот на позадина за некои или за сите ваши слајдови. Позадините можат да имаат солидна, градиентска, шема или пополнување со слика.

Додавање теми на слајдот

Изберете го табулаторот Design на лентата, потоа кликнете на стрелката за опаѓање надолу за да ги видите сите достапни теми.

Ја избираме посакуваната тема.

Темата ќе се појави на целата презентација.

Тема е претходно дефинирана комбинација на бои, фонтови и ефекти кои можат брзо да го променат изгледот на целата презентација. Различни теми исто така користат различни распореди на слајдови, што може да го смени распоредот на вашите постоечки места. 

Погледнете го видеото за дадените содржини:

Домашна работа:

Изработи презентација на тема Пролет. Презентацијата нека има 5 слајдови. 

• Првиот слајд ќе биде насловен (Пролет). 
• Во следниот - вториот слајд ставете наслов „Зошто ја сакам пролетта?“, и со набројување под насловот наведете неколку причини зошто ја сакате пролетта. 
• Во третиот напишете наслов: „Времетраење на пролетта“ и под насловот наведете го периодот од започнување (ден, месец) до периодот на завршување (ден, месец) на годишното време Пролет. 
• На четвртиот слајд поставете некоја слика што ја претставува природата во пролет.
• На последниот слајд запишете кој ја изработил презентацијата (Име, презиме, одделение).
• Поставете тема (дизајн) на целата презентација по ваша желба.

Зачувајте ја презентацијата со име Proletna prezentacija и испратете ја најкасно до 30.04.2020 година (четврток).

Поим за мултимедија. Поим за мултимедијална презентација.

Презентација е активност со која се покажува и објаснува содржина на одредена тема на поединци или група луѓе.

  Најчесто тоа се предавања, реклами, извештаи, претставување на нови производи и сл. Презентациите може да бидат изведени во живо, поставени на пано, прикажани на телевизија, поставени на Интернет и сл.

Презентацијата чија содржина е креирана со компјутерска програма во вид на слајд шоу се вика компјутерска презентација.

Познати програми за компјутерски презентации се:

- Microsoft PowerPoint од пакетот Microsoft Office,

- Impress од пакетот програми OpenOffice.org на Sun Microsystems Inc,

- Keynote од пакетот програми iWork на Apple Computer и др.

Мултимедијалните компјутерски презентации се креирани од содржина која е комбинација на различни податоци – текст, цртеж, фотографија, табела, дијаграм, графикон, видео клипови, звуци, говор, музика и сл.

Интерактивните компјутерски презентации содржат хиперврски кои овозможуваат избор на содржини, менување на редослед на содржини и комуникација со корисникот на презентацијата. Многу често со компјутерската презентација раководи човек кој се вика презентер. Презентерот  не мора да биде и автор на презентацијата.

Стартување на програмата Power Point:

За да ја активираме порограмата за мултимедијални презентаци Power Point, кликаме All Programs

Потоа од пакетот Microsoft Office одбираме Power Point, чија икона е:

Избираме Blank Presentation за да започнеме со креирање и уредување на нов мултимедијален документ односно презентација.

Работен прозорец на MS Power Point 2013

Power Point  е презентациски софтвер кој ви овозможува да креирате динамички слајд презентации. Слајд шоуто може да вклучи анимација, нарација, слики, видеа и многу повеќе. Документот на кој се работи во Power Point  се нарекува презентација и има наставка .pptx. Самиот документ е организиран во слајдови на кои се поставуваат основните содржини (насловни, тематски единици, примери, објаснувања и сл.)

Ленти со алатки

Преку табулаторот Home пристапуваме до најчесто користени команди, вклучувајќи копирање и вметнување, форматирање и додавање Нов слајд. Табулаторот Home е селектиран по правило секогаш кога ќе го отвориме PowerPoint.

Со клик на New Slide од Home, додаваме нов слајд во презентацијата. Можеме да додаваме колку што ќе посакаме слајдови. 

За да ја видиме целата презентација, односно нејзиното прикажување, кликаме на табот Slide Show или кликаме на тастерот F5 од тастатурата.
Кога ќе бидете подготвени да го презентирате вашето слајд шоу, табот Slide Show ви дава алатки за да ја направите вашата презентација професионална, вклучувајќи ја и опцијата за времето и снимање на нарација.

Останати табулатори се Insert, Design, Transitions, Animations, Review, View, и нив ќе ги разгледуваме понатаму.

Активности со презентација:

Задача: Отвори Power Point, и креирај презентација со три слајда. 
        1. Првиот слајд нека биде со наслов Power Point и поднаслов Креирање на мултимедијални презентации. 
         2. Вториот слајд нека содржи информација за тоа што е презентација, што е мултимедијална компјутерска презентација и како се стартува Power Point.
     3. Последниот слајд нека содржи информација за тоа кој ја изработил презентацијата, односно вашето име, презиме, одделение и училиште.
        4. Зачувајте ја презентацијата на вашиот компјутер со име Moja prva prezentacija. Сликајте и испратете ја домашната задача.

Повторување за Scratch

Оваа недела завршуваме со содржините за Scratch. Затоа повторете ги изучените содржини на блогот, потсетете се, и најкасно до петок (10.04.2020 год.) одговорете на квизот.

Кликнете на линкот и одговорете ги дадените прашања:

Контролен тест за Scratch

или скенирај го кодот со твојот мобилен телефон: